蟹粥

順德容桂美食大搜查

容桂美食推介

第一站：佳城食店——（容桂電視臺對面路口）系康富紅綠燈直入100米（晚飯夜宵）

特色美食：佳城花蟹粥、佳城煎陳村粉、佳城炒粉、佳城酥炸多春魚、佳城拆魚粥，我

最中意就系個錫紙牛肉-------------------------------------------------------------------------極力推介

第二站：翠湖食街——位于康富紅綠燈直入,振華派出所對面（晚飯夜宵）

特色美食：拆水蛇絲粥、青暗粥、白貝肉球拆魚粥、新鮮豬雜粥（粥身好靚好清甜，加咸生

菜，正！）、怪味豬手（好得意既味）、煎陳村粉、椒鹽骨、美極鴨下巴、、煎番瓜餅、椒鹽多

春魚------------------------------------------------------------------------------------------------極力推介

第三站：堅記食店——位于容山路~~~（夜宵）

特色美食：著名堅記水蛇粥

第四站：華記食店——位于鳳祥路尾~~~（午、晚、夜宵）

特色美食：華記魚卜粥、華記拆魚粥、華記煎番瓜餅正啊！、華記涼拌魚皮、華記涼拌

魚卜、華記涼拌豬肚、華記煎局魚頭、華記排骨蒸陳村粉、華記煎釀辣椒

------------------------------------------------------------------------------------------------------極力推介

第五站：南園粥鋪——位于工業路（容奇文化宮附近）

特色美食：早市生滾粥

第六站：周珠粥鋪——位于工業路，肖婆腸粉店對面

特色美食：早市生滾粥

第七站：上澳粥鋪——位于四基北關路（四基呂相府對面）

特色美食：早市生滾粥

第八站：四基豬雜粥——位于四基長塘（四基小學前）（夜宵）

特色美食：新鮮豬雜粥（夜宵）------------------------------------------------------------------極力推介

第九站：源記粥鋪——位于容桂街道辦后面。。。

特色美食：特色咸魚頭粥

第十站：紅星蛇之粥——位于文華路食街

特色美食：蛇粥（夜宵）

第十一站：紅星粥飯店——位于文華路食街。。。

特色美食：蛇粥、蟹粥、拆魚粥（夜宵）。。。

第十二站：星晨粥飯店——位于文華路食街。。。

特色美食：花蟹粥、泥亡粥（夜宵）

第十三站：洞蜜園美食城——位于富華路（容桂電視臺對面路口）（午、晚、宵夜）

特色美食：豬雜粥、炆魚、吊燒雞

第十四站：文華老友記豬雜粥——位于富華路（新洪興臺山黃蟮飯旁邊）

特色美食：新鮮豬雜粥（夜宵）

第十五站：大榕樹粥鋪——位于容里云端里

特色美食：早市生滾粥(生滾板筋粥、肉片豬肝粥)。

第十六站：肥婆粥鋪——位于容里云端大街（云端廟附近）。

特色美食：早市生滾粥、魚濕粥

第十七站：匯興粥鋪——位于容奇德勝路（舊電視站對面）。

特色美食：早、夜市生滾粥。

第十八站：帶記艇仔粥——位于容奇環塘路（供電所對面）。

特色美食：艇仔粥、生滾粥

第十九站：位于上佳市云里大街軍營巷井邊的著名粥鋪~~~-------------------------------極力推介

第二十站：位于紅星的著名的大百啟蛇粥店~~~

特色：蛇粥

第二十一站：位于桂洲電纜廠的彭朋粥鋪~~~

特色：早市生滾粥

第二十二站：位于桂洲電纜廠的忠記粥鋪~~~

特色：早市生滾粥

第二十三站：大笪地——容山路(樂安市場對面)；

特色美食：魚片粥；

第二十四站：紅旗大排檔——成功新村旁邊

特色美食：水煮牛肉、炒粉、粟米餅、椒鹽骨、煎餃；；個度D海鮮卷好好食，好正咖，仲

有水煮牛肉我最愛呀

-------------------------------------------------------------------------------------------------------極力推介

第二十五站：佳爵——六零彩路口入去100米

特色美食：咸豬骨粥,拆鴨粥；

第二十六站：永華——桂洲工業路；即第一風扇廠以前對過去個間雅士餅鋪個度入去

特色美食：豬骨粥、腸粉

小食，飲野:

第一站：ONETWOFREE——容山中學正門口直走，轉右，在路的左邊，具體唔記得咩路。

特色：介辣青瓜，奶茶飲品，各式小食；----------------------------------------------------極力推介

第二站：大卡司——青年路路后轉右就見，

特色：珍珠奶茶，感覺現在無甘好食

第三站：Angletea——華夏新城鋪，翠湖山莊個邊

特色：天使果奶茶，各式飲品

第四站：樂可可——華夏新城鋪，翠湖山莊個邊

特色：各式飲品；

第五站：果緣——康富花園牌坊左邊，

特色：特色飲品，墨魚仔、我最中意杯“魔界”啦，因為有酸奶----------------------極力推介

第六站：無憂島---容桂電視站后邊條巷

特色：珍果冰、各式飲品，還有我最喜歡的芝士蛋糕；----------------------------------極力推介

第七站：紫藤里——容桂電視站后邊條巷

特色：飲品、最新推出ZEUS芝士蛋糕，好靚的，我中意句有得占卜塔羅牌，不過D野食

就一般般

第八站：思樂冰--青華路；

特色：飲品、小丸子三蚊盒有四個，里面有紫菜添，我最中意去個間食小丸子，芝士Q餅；

好抵既

牛雜鋪:

第一站：牛魔王—千禧廣場里面，環境舒適，牛雜首選啊----------------------------極力推介

第二站：和味牛雜——容奇青華路，垃圾站條巷，個阿姨做好多年牛雜啦，我中意句地有脆

皮腸-------------------------------------------------------------------------------------------------極力推介

第三站萍姐牛雜--宏駿廣場隔離條路入去,不過依家覺得D味道無以前甘好啦,得曬D麻辣既

味料味,如果多番D件味就好D咯,分店系桂洲先達個邊,新樂園個度間信社斜對面

第四站：大和味--桂洲舊游樂場對面

第五站：肥仔牛雜--紅旗小學橋邊附近,D牛肚炆到好淋,入口即溶,正!

第六站：北海道小丸子--舊容奇先達附近，三蚊盒得三個，無紫菜，不過加WASHABI，個

度仲賣大良既細妹牛雜添

以下個D系比較正式既食肆,請客食飯，食飯飲茶，特色美食。。。。。。

第一站：豬肉婆——桂洲中學旁

特色美食：私房菜，燒鵝，胡椒豬肚湯，環境很好--------------------------------------極力推介

第二站：東逸灣——小黃圃東逸灣內

特色美食：飲茶，食飯，涼拌、燒鵝燒豬肉、蒸魚、貴妃包、咩都好食我覺得，絕對正啊！

--------------------------------------------------------------------------------------------------------極力推介！

第三站：齒留香——桂洲中學對面，系路口既

特色美食：燒鵝，

第四站：海鮮榮——大岑海邊

特色美食：雞仔餅正啊，各式海鮮；

第五站：食得福——容里石角球場前面

特色美食：吊燒雞---------------------------------------------------------------------------------極力推介

第六站：東灶——文海路，新麒麟往車站方向直入100米

特色美食：魚頭火鍋，正啊

第七站：依立紫砂鍋飯——容桂廣播電視站紅綠燈對面個路口，即冠華口腔對面

特色美食：紫砂鍋飯

第八站：阿森魚頭——文明路

特色美食：四川火鍋，辣魚頭，正啊---------------------------------------------------------極力推介

第九站：松記——舊松下精工對面

特色美食：以前去過好似系食竹腸既、火鍋

第十站：海豪——千禧廣場附近

特色美食：粥底火鍋

第十一站：東海一族——橋東路；

特色美食：做酒，食飯；

第十二站：鹿茵酒店——容桂大道中；

特色美食：做酒，食飯，飲茶；

第十三站：麗豪酒店—容山路；不過都比較舊了

特色美食：各式粵菜，

第十四站：大和壽司—天佑城地鋪

特色美食：日本料理；八點半后半價-----------------------------------------------------------極力推介

第十五站：味千拉面——天佑城M記旁邊

特色美食：拉面

第十六站：妙香居——天佑城，新領地KTV旁邊

特色美食：韓國料理--------------------------------------------------------------------------------極力推薦

第十七站：黑天鵝——容山路；

特色美食：東北菜

第十八站：南景農莊——南區

特色美食：炆鵝炆魚；

第十九站：恒益——紅旗（容桂中學旁）；

特色美食：藥膳鴿

第二十站：洞蜜園—康富紅綠燈直入

特色美食：炆魚、吊燒雞

第二十一站：金悅軒——展業路（森城超市對面）

特色美食：順德菜

第二十二站：星晨——文華路

特色美食：粵菜；各式海鮮

第二十二站：大快活——桂洲中學往天佑城方面前50米

特色美食：粵菜；

第二十三站：聚人村——富華路

特色美食：粵菜

第二十四站：小肥羊——鳳翔北路

特色美食：涮羊肉；

第二十五站：蜀山——德勝路；

特色美食：川菜，水煮魚-------------------------------------------------------------------------極力推薦

第二十六站：御茶園——容奇大道；

特色美食：飲茶

第二十七站：東坊——(小黃圃轉過去碧桂路,大概百零二百米度,幾惹味)

特色美食：炆鵝

第二十八站：新洪興臺山黃鱔飯——振華派出所前十米

特色美食：黃鱔飯

第二十九站：習尚軒——容奇大道(世紀大廈)；

特色美食：西餐，飲茶（夜茶都有）---------------------------------------------------------極力推介

第三十站：紅星——第一店系外村市場附近,系涌邊路口入去.第二店系系沙尾個邊；環境舒

適點的分店：文海路，新麒麟往車站方向直入100米

特色美食：煲仔飯---------------------------------------------------------------------------------極力推介

第三十一站：廣安——環塘路廣安小區

特色美食：冬瓜雞

西餐廳：

第一站：民信——天佑城對面@宏駿廣場對面

特色美食：雙皮奶、甜品，西餐；雞中亦好食啊，平靚正啊！----------------------極力推介

第二站：萊茵閣—桂洲白馬廣場；

特色美食：西餐，中餐咩都有

第三站：夢伴、藍月亮—鳳翔南路(宏峻附近）；

特色美食：西餐，中餐咩都有

第四站：百草堂—千禧廣場；綠草堂—青年路尾；

特色美食：西餐、甜品；

第五站：新香江甜品—容奇工業路口(容奇醫院對面)@上街市華容路；

特色美食：西餐，中餐、甜品咩都有-------------------------------------------------------極力推介

第六站：威尼斯牛扒城——桂洲文華路

特色美食：牛扒----------------------------------------------------------------------------------極力推介

面檔，腸粉檔：

第一站：潤記、胡洪面店——容山路；泰安市場旁

特色美食：云吞面

第二站：七姐面檔：容奇工業路（文化宮）附近，

特色美食：早上有生滾粥，綠豆沙。云吞餃子面（粉），面身較爽。----------------極力推介

第三站：南虹面檔：地址同上，

特色美食：綠豆沙，云吞餃子面（粉），面身較淋，湯汗濃。

第四站：馮不記——興華中學對面，容山中學個紅綠燈個邊。。。。。好多分店啊

大良新一城都有

特色美食：云吞牛腩面

、炸醬面---------------------------------------------------------極力推介

第五站：天閣腸粉——環塘路

特色美食：腸粉

第六站：肖婆腸粉—容奇工業路；

特色美食：腸粉

第七站：留一手腸粉—容山路；

特色美食：腸粉

順德吃飯好去處！（為食的朋友多捧場啦）復制地址日志地址:

容桂：

商務、公務請食飯有檔次而又出品較好的有：

1、哥頓酒店、東逸灣會所、東海一族。哥頓酒店在容桂街道辦旁。東逸灣會所在容桂小黃

圃的東逸灣門口。東海一族就在容奇大橋邊。

特色食肆：

2、味珍軒：以鹽局最出名，其中鹽局鯽魚真系順德一絕，鹽局黃蛇、鹽局乳鴿都可以講獨

步順德，其它燜野都OK。地址：容桂展業路，即森城超市對面。

3、聚仁村：亦都系以鹽局野出名，但本人感覺比味珍軒差D多，地址：容桂興華路與青華

路交界處，成間私人屋甘既。

4、新光輝：至拿手就系鮑魚雞。地址：富華路與振華大道交界紅綠燈邊。

5、臺山黃鱔煲仔飯：以前曾經專程去臺山食出名既黃鱔煲仔飯，而家唔使啦，尼間野既黃

鱔煲仔飯一流，連D黃鱔骨湯都幾正。地址：富華路中段。

6、佳勝大牌檔：招牌梗粥啦，至鐘意D拆魚粥，夠香。仲有一款鐵板蝦醬通菜，夠惹味。

地址：富華路南街路口。

7、賊船：招牌菜就系各種海鮮、河鮮。地址：新馬路尾圍駁邊。

8、東坊飯店：各種燜野，招牌菜有各種燜雀、燜乳鴿、紅燜龍豬，記得要D薄荷葉。地址：

小黃圃碧桂路，響大良向容桂走，過佐德勝大橋收費站，左手邊200米。

9、恒溢飯店：招牌菜系紅燒乳鴿同清燉乳鴿，如果系熟客，仲可以另外有好野食。地址：

紅旗路到佐錦繡豪庭轉左(入桂洲沙灘條路)大概300米右手邊就系啦。

10、敦煌飯店：招牌菜吊燒乳鴿，一流。其它既小炒都唔錯。地址：桂州大道容桂公安分局

邊。

11、龍池飯店：總體出品都幾好，招牌菜有椒鹽蛇、燒鵝、叉燒、清燉等。地址：容邊天河

路。

12、生記：唔系D菜好到不得了，而系個老細有性格，食客去到至好唔點菜，等老細同你

點，如果唔系就貴過人。仲唔準話D野唔好食，如果比老細聽到實著鬧，甚至趕你走。聽

講因為甘個老細已經比人決過兩次了，但都系死性不改。成間店一共得十幾款菜，全部都系

家常菜，比較有特色既送系清蒸牛相連。地址：桂洲大道東靠近碧桂路口既容邊金河路，路

口有個牌坊，一入牌坊左手邊就系啦。

13、阿森魚頭：老細做佐二十幾年餐飲，一直都好成功，阿森魚頭招牌菜梗系火鍋魚頭啦，

有麻辣同唔辣，任君選擇。仲有記得叫個煎堆啊。地址：文華路法院對面。

14、君爵：燜野一流，招牌菜有清燉灰鶴、清燉鱷魚龜、紅燜鱷魚。地址：桂洲大道中，天

佐城蘇寧電器對面。

15、紅星粥：類似于大良既高贊粥、大碗粥，夜晚打完球去食碗粥都幾過癮。地址：文華路，

天佐城向容桂中學行600米。

16、堅記：至出名就系水蛇粥，地址響容山路尾。

17、松記：主要系打邊爐，都系魚球肉球之類，但就整得幾好。老細有性格，D服務員都有

性格，見你六耐D就喊住你："食得啦。"，不過都好多年無去啦。地址：新桂中路涌邊南岸，

即原松下精工對面，比較難穩。

18、外村煲仔飯：以煲仔飯出名，地址不詳。

19、悅興農莊：環境幾好，招牌菜有炸腸頭、椰子雞、煎局鱔、蒸魚、炒面。地址：比較難

穩，紅旗路大福基牌坊直入上圍駁轉左100米。

20、牛一：主要系牛火鍋，牛肉丸、牛肉、牛肚等，新鮮爽滑，但比起均安果家食牛仔肉既

就差D多。地址：展業路容桂中學齒留香隔離。

21、南橋鹽局雞：一間好老字號既飯店，以前以鹽局雞聞名，但而家到處整鹽局雞都進步佐，

反而顯得無甘標青，但爛船都有三斤釘，值得一試。地址：105國道往中山南頭個條貴南路，

南頭大橋橋底。

22、萍姐牛雜：牛雜一流，仲有東菇、蘿卜都好正，個人認為好過牛魔王同埋大良既細妹牛

雜。地址：宏駿廣場大門口左邊條路直入200米。

23、牛魔王：專食牛雜，水準都OK。地址：容桂環安路，即供電所對面個條路。

24、佳爵大排檔：至吸收人既就系咸豬骨粥，而且總體價錢都幾抵。地址：容桂環安路，即

供電所對面個條路。

25、喜臨門：總體出門幾好，燜魚比較突出，而且難得既系相對同樣檔次既飯店，夠抵食。

地址：馬崗大橋落佐橋直行300米左手邊。

26、回味：好唔起眼既幾間爛屋，但就系五星級既收費。只但系尼度D燜野就真系幾令人

回味。招牌野梗系燜雀、燜野味啦。地址：一過容奇大橋左手邊，雁龍酒店隔離。

27、桂洲沙灘志輝：好出名既地方，容桂人幾乎個個都知，以前以竹筍雞出名，但近幾年好

似就少人提。主要都系以食海鮮河鮮為主，有一款炸云吞都幾多人鐘意，但本人就覺得一般。

地址：西堤二路。沿住紅旗路往高贊大橋直走，到佐漁家莊前D一個紅綠燈轉左，直行500

米上圍堤轉右行就見啦。

28、肥佬冬瓜雞：直情就系一個臨時大棚，地都系泥地，好似二三十年前去農村飲甘。老細

就系肥佬，有時赤住膊，搭住條毛巾，仲成身大汗甘，十足個梁山好漢。脾氣亦都似好漢：

"自己裝飯，唔食就走。"系尼度食飯真系要自己裝飯架，唔系好易無得食。招牌菜梗系冬瓜

雞啦，釀辣椒都幾好。地址：容桂建華路，即新東方花園正門口果條街，直行到底，見到有

間"人民公社排骨飯"再行三十米就系啦。

29、啜魚：

大良：

高檔飯店：當然第一要數順峰山莊啦，招牌菜系各類海鮮，其中又以清蒸須眉至受贊揚，至

抵食都系燕窩啦。地址：105國道順峰山上。南國園林：新城區，比起南國水鄉似乎有些遜

色。金繕坊：新城區嘉信廣場一樓，比以前的潮苑軒好，但出品始終未令人驚喜。

中檔食肆：

1、皆大歡喜：新城區德勝大橋橋底西邊。環境一流，出品一般。

2、南記：招牌菜系魚生、燜野，但幾貴。地址：大良近良路順景灣后面。

3、人仁蛇餐館：以食蛇出名，水準略有下降，價錢幾貴。地址：大良近良路順景灣后面。

4、了能：私房菜，燒鵝、蒸魚、蒸雞、雞血九枸湯等雖然家常，但都幾有特色。價錢適中，

地址：近良路食街喜臨門后面。

5、玉玲瓏：私房菜，煎局牛仔骨、糯米飯令人難忘。價錢偏貴。地址：東區碧溪路康城花

園十字路口。

6、師傅仔：招牌菜燜魚、燜野味，但其實炒菜都幾好。招牌菜有土窯雞、豬頸肉、蒸山坑

鯇魚等。價錢經濟。地址：仙泉酒店去山莊果條路仔。good

7、農夫之家：家常菜，招牌有燒鵝、碳燒豬頸肉、蒸雞、煎局啜魚、燜豬腳等，價錢稍貴。

地址：很難穩，響逢沙圍堤。

8、一品粥：招牌就系粥底火鍋，價錢都偏貴。地址：東區新桂中路綠茵花園北邊。

9、無名魚生店：出名食魚生，價錢適中，地址：難穩，好似系新基三路轉一條橫巷，總之

難穩。

10、污槽雞：老字號，招牌菜蒸雞蒸魚，價錢好貴，聽話而家無以前甘好生意啦。地址：高

坎大街與廣昌路附近。齒留香：招牌菜有燒鵝、煎局鱔等，價錢適中。地址：延年路大潤發

對面。

11、高贊粥：宵夜大牌檔，招牌菜有腸粉、碳燒豬頸肉、粥、鐵板XX等。價錢經濟。地址：

延年路大潤發對面。good人民公社排骨飯：招牌菜：排骨飯、肉餅飯等，4文一份，你話

抵唔抵食?地址：保健路保健附近，容桂都有一家。

12、依立煲仔飯：應該有好多家分店，拳頭產品當然系各式煲仔飯啦，煲仔菜都幾好架，價

錢偏貴。地址：南國中路與延年路交叉路口，大潤發對面。

13、馮不記面店：有多間分店，面同湯底都幾好，但有人會唔鐘意D堿味。至早個間系西

山小學斜對面。

14、細妹牛雜：當然以牛雜出名啦，響新華書店對面。

15、四川串串香：純四川風味，去食串串香既本地人多過外地人，食辣既多過唔食辣既，去

食既靚女多過靚仔，仲有D燒烤都幾好，價錢適中。地址：東苑大街小肥羊附近，隔離系

一間重慶香辣蟹，都幾好架。

倫教：

1、南國水鄉：所謂"亞洲第一湯"就出自尼間野。總體出品幾好，招牌菜有燒鵝、鹽局黃蛇、

蒸魚、炸魚仔、煎生鮑、咸生泥等。環境幾好、價錢幾貴。地址：倫教雞洲，一中實驗學校

隔離條通往碧桂路既路就系啦。

2、霞石松皮雞：老字號，招牌菜有蒸雞、燒乳豬、豬肘例湯、蒸和順、煎禾蟲、蝦醬豆角

等。價錢偏高。地址：倫教霞石石場入D。禾盛飯店：招牌系燜野，但果煲臘味飯都建議試，

真系幾正。價錢很經濟。地址：雞洲112省道，即舊時去番禺果條路既路邊。

3、旺角海鮮舫：老字號食海鮮的飯店，地址就系禾盛飯店斜對面。

勒流：

1、宏圖：名氣好大，做貴口野一流。但一般小炒都幾有質量。煎牛仔骨、蒜蓉蒸蝦、水蛇

片炒菜遠、蒸蛤蚧、咸三泥等都有好高水準。

2、君王飯店：勒流比較高規格既飯店，出品幾好，燜野都一流架。價錢肯系有番甘上下啦。

地址：龍洲路盡頭。

3、尖沙嘴：招牌菜有燒乳鴿、豬肚、蒸雞、牛肉丸。價錢經濟。地址：幾難穩，勒流裕涌

村，

4、錦華農莊：招牌菜有水晶雞、燒鵝、南瓜燜大頭魚。仲有好多自種既特色蔬菜：上湯田

七葉、騰三七、菊花腦、珍珠菜、人參菜等，真系聽都未聽過，值得一試。地址：勒良路眾

涌路段。

5、牛一：主食當然系牛肉啦，仲賣埋牛肉添，牛展、牛丸、牛雜都幾好。價錢經濟。地址：

勒流連杜工業區。響南國西路轉入見到連杜個路牌直行700米左手邊就系啦。

北窖：

1、蝦炳飯店：食海鮮河鮮，招牌菜有煎多春魚、鼓汁蒸反面骨、釀辣椒、白灼海蝦、煎局

鱔、燒鵝。價錢經濟。地址：碧桂路西X大橋底東面。

2、蝦燦飯店：離蝦炳冇幾遠，都系食海鮮河鮮，招牌菜有油鹽水蒸黃腳臘、者者雞、者者

鱔、碳燒豬頸肉。價錢比蝦炳貴D。地址：碧桂路西X大橋底東面。

3、東洋飯店：至早系響容桂嘅，之后搬過中山，再搬到北窖。當年燜鱷魚龜、果子貍真系

超一流，至今諗想都流口水。價錢幾貴，地址不詳。

樂從：

財神酒店同華南海鮮酒樓都系高檔次的酒店，出品都有保證。華南海鮮酒樓有一款面皮包南

乳五花肉，都幾有特色，幾受歡迎。

1、菜籃子：農莊環境，招牌菜有珍珠雞、煎魚腐、椒鹽蛇。價錢偏貴，地址：三樂路轉入

勞岳工業大道約2公里右手邊。2、偉記：招牌菜有椒鹽反骨蛇、清蒸蛤蚧、椒鹽田雞、百

花菜(油菜)。價錢偏貴，地址：荷樂路。

3、山寨粥：類似于一品粥之類。招牌菜有當然系各種粥啦，另外四杯雞、醬爆釀辣椒藕片

都幾好，食粥至緊要叫油條，尼度嘅油條真系一流，又香又脆。價錢適中，地址：樂從大道

奧園對面。

4、新冬記：招牌菜有椒鹽水蛇、南乳骨、叉燒、頭菜蒸和順、咸三泥。價錢偏貴，地址：

325國道皇朝酒店附近。

5、佛山鯉魚門：雖然唔系順德，但離樂從好近，所以介紹。尼度的象撥蚌價錢適中，品質

優良，切片切條都非常甜爽，鐘意食雞腳嘅朋友，記得叫份餐前小食啊。價錢偏貴，地址：

佛山大道南北邊汽車城附近。