2023年11月11日發(作者：十大育人)西關童謠，還有多少人記得？
咬蔗須：
咬蔗須，/ 要睇毛，/ 短毛輸，/ 長毛贏，/ 無毛吾算數。
斗柑：
“篾”開柑，/ 數柑核，/ 邊個核多就邊個贏，/ 吾準手賴就甘縮骨。
拍大骳：
拍大骳，/ 唱山歌，/ 人人話我無老婆，/ 嘀起心肝娶返個，/ 有錢娶個嬌嬌女，/ 無錢娶個豆皮婆，/ 豆皮婆，/ 食飯食得多，/ 屙屎屙兩籮，/ 屙尿沖大海，屙屁打銅鑼。
凼凼轉
凼凼轉，/ 菊花圓，/ 炒米餅，/ 糯米團，/ 阿媽叫我睇龍船，/ 我吾睇，/ 睇雞仔，/ 雞仔大，/ 摞去賣，/ 賣得幾多錢？ / 賣得三百六十五個仙。
搖籃曲
噯姑乖，/ 噯大姑仔嫁后街。/ 后街有哋乜嘢買? / 有哋鮮魚鮮肉買。/ 鮮花戴，/戴唔曬，/ 丟落牀頭畀個老鼠拉，/ 一拉拉去隔條街。/ 隔街有哋乜嘢買，/ 有哋鮮魚鮮肉買，/ 鮮花戴，戴唔曬，……
路好行
行，/ 行，/ 行，/ 行到街邊拾個橙。/ 橙好食，/ 路好行。
雞公仔
雞公仔，/ 尾高高，/ 養兒養女唔好咁心粗。/ 唔好心肝唔好，就唔記得父母嘅功勞。
月光光
月光光，/ 照地塘；/ 年卅晚，/ 摘檳榔；/ 檳榔香，/ 摘子姜；/ 子姜辣，/ 買菩達；/ 菩達苦，/ 買豬肚；/ 豬肚肥，/ 買牛皮；/ 牛皮薄，/ 買菱角；/ 菱角尖，/ 買馬鞭；/ 馬鞭長，/ 起屋樑；/ 屋樑高，/ 買張刀；/ 刀切菜，/ 買籮蓋；/ 籮蓋圓，/ 買只船；/ 船沉底，/ 浸死兩個番鬼仔，/ 一個蒲頭，/ 一個沉底。
排排坐
排排坐，/ 食果果。/ 豬拉柴，/ 狗燒火。/ 貓兒擔凳姑婆坐，/ 坐爛屎唿咪賴我。
丫蟬喊
丫蟬喊，/ 荔枝熟，/ 阿婆喊，/ 買豬肉，/ 大人喊，/ 俾滾水淥，/ 細蚊仔喊，/ 俾米升焗。
賣懶
賣懶，/ 賣懶，/ 賣到年年三十晚，/ 人懶我唔懶。
白欖仔，暗暗香
白欖仔，/ 暗暗香，/ 大哥買歸阿嫂嘗。/ 阿嫂唔嘗，畀過細姑娘。/ 姑娘得食隨街唱，/ 果然大嫂錫姑娘。
落雨大
落雨大，/ 水浸街。/ 阿哥擔柴上街賣，/ 阿嫂教我做花鞋。/ 花鞋花襪花腰帶，/ 一串珍珠兩邊排。/ 有錢打對鈴啉鼓，/ 冇錢打個石榴牌。
落大雨
落大雨，/ 去睇燈，/ 唔見花鞋共手巾，/ 邊個執到畀番我，/ 買盒細茶謝你恩。/ 個條手巾唔打緊，/ 個對花鞋值萬銀。/ 鞋頭種得三竿竹，/ 鞋尾種得一籮姜，/ 中間起得一層樓。
雞公仔，尾彎彎
雞公仔，/ 尾彎彎，/ 做人新婦甚艱難。/ 早早起身都有話晏，/ 眼淚唔乾入下間。/ 下間有個冬瓜仔，/ 問過安人煮定蒸。/ 安人話煮，老爺又話蒸，/ 蒸蒸煮煮唔中意。/ 大揸拉鹽佢話淡，/ 手甲挑鹽又話咸。/ 三朝打爛三條夾木棍，/ 仲話：咁好花裙俾你跪到爛，/
咁好石頭俾你跪到崩。/ 橫又難，直又難，/ 不如捨命落陰間。/ 人話陰間條路好，/ 我話陰間條路好艱難。
猜呈沉：
呈沉剪，/ 呈沉包，/ 呈沉糯米叉燒包。/ 老鼠吾食香口膠，/ 要食豆沙包。
撈魚仔
花手巾，/ 真引人，/ 基邊撈魚好過癮；/ 一兜一條好手運，/ 千祈唔好撈著扮。
飛石仔
勾鼻鬼，/ 正死仔，/ 一入廣東亂咁嚟，/ 殺人放火以為威。/ 點不知，/ 有嘢睇，/ 遇著陳棠就飛石仔，/ 打到佢爬喺地下要食泥。
蘿卜頭
蘿卜頭，/ 點豉油，/ 點得多，/ 咸過頭，/ 點得少，/ 淡謀謀。/ 佢以為，/ 好正斗，/ 點不知，/ 俾人踢羅柚，/ 一踢踢到西門口。
賣白欖
沙欖啵，/ 茶窖貨。/ 一分錢，買兩個。/ 唔好食，咪逗貨！/ 食落爽甜無渣啵，/ 食過好食呢--再嚟就買過。/ 沙欖，茶呀 茶窖貨--
收賣佬
爛銅爛鐵，/ 收買爛銅買爛錫。/ 爛銻罉、爛銅煲、銻煲，/ 爛爛都買。/ 有乜玻璃酒樽舊嘅藥水樽，/ 有乜銅仙鎳幣，書紙報紙舊嘅新聞紙，/ 有就趁貴拎嚟賣嘞--
街頭草藥
家有兩面針，/ 唔怕拳頭打入心，/ 若然被人錯打嚫，/ 立用大小二還魂。
賣武行
咚咚砰！/ 咚咚砰！/ 伙記慢打鑼。/ 打得鑼多鑼吵耳，/ 打得更多夜又長……
游龍舟
龍舟舟，/ 出街游。/ 姐妹行埋莫打斗，/ 封封利事責龍頭。/ 龍頭龍尾添福壽，/ 老少平安到白頭。
龍舟歌
龍舟龍舟，/ 游呀游游。/ 游到你家門口，/ 它擺尾又點頭，/ 祝你家有福祿壽：/ 福到你家子孫平安，/ 祿到你家財源又有，/ 壽到你家老人童顏白發，/ 后輩人仔樂無憂。
艇仔粥
嚟嘞！/ 好靚艇仔粥！/ 食啰 --有魚有蝦又有肉，/ 靚粥滾去又一淥，/ 唔使蒸呢唔使焗，/ 八寶靚味口有福。/ 君食一碗艇仔粥呢，/ 祝你過河行橋有好木，/ 君走出門遇鄉里，叫亞叔。/ 若然過南洋呢口爺 -- / 揾錢返嚟，起一間龍鳳大屋。/ 嚟嘞--食返一碗艇仔粥。
飛機欖
飛機欖，/ 飛機欖，/ 一飛就飛落你天棚。/ 你唔使勞 嘈 唔使喊，/ 銀紙丟落嚟，/ 和味嘅飛機欖，/ 落到你肚腩。
花生肉
花生肉，/ 南乳肉，/ 重好食過焗臘肉。
淡水沙梨
淡水嘅沙梨，/ 脆甜南華李、/ 三華李、/ 蛋黃李，/ 爽甜得嚟帶有桂花味。/ 幫襯嚇啦，/ 伊道的生果冇得比。
伏壘壘：
一就預備，/ 二就壘埋，/ 三就開盤，/ 四就嚟到，/ 彭到算數。
捉大賊：
點指兵兵，/ 點指賊賊，/ 點著誰人做大兵，/ 點著誰人做大賊。
估手指：
估手指，/ 要估中，/ 邊個吾中，/ 就吾中用，/ 褲浪底見個窿。
點蟲蟲：
點蟲蟲，/ 蟲蟲飛，/ 飛到荔枝基，/ 荔
枝熟，/ 摘滿屋，/ 屋滿紅，/ 陪住個細蚊公。
騎牛牛：
騎牛牛，/ 牛牛走，/ 牛牛響前咪回頭，/ 若然回頭就打籮柚。
打波子：
大眼雞，/ 咸魚頭，/ 你屙尿，/ 吾洗手。
咕碌咕碌：
咕碌咕碌一，/ 咕碌咕碌二，/ 咕碌咕碌三，/ 準備開炮打敵人！
跳橡筋：
董存瑞，十八歲，為國犧牲炸堡壘，炸到堡壘咯咯脆，全國人民流眼淚。
碌銅仙：
碌銅仙，打銅錢，全憑眼界手出變，叮響銅錢俾個仙。
打泥炮：
打泥炮，泥炮響，唔使揸槍上戰場。
飛麻鷹：
折紙機，麻鷹飛，飛來飛去唔落地，麻鷹有條尾。
踩腳趾：
咚啄，酸姜，你阿嬤，纏腳娘。
趿跛跛：
趿跛跛，跳跳腳，咚咚咚，上跳下跳似麻雀。
撞跛腳：
趿跛跛，跛佐蹄，無米煮，煮泥沙，無屋住，住樓梯，樓梯有只鬼，嚇到你鉆落床下底。
頂手掌：
伸長手，頂手掌，死人都要頂硬上，依牙崩哨就貓甘樣。
劈友：
劈友，劈友，快嘀走，走得快，好世界，走得磨，冇鼻哥。
斗遠：
斗遠掟石頭，因住咪甩手，石頭最無眼，掟親吾好眼淚流。
掟磚頭：
掟磚頭，斗大夠，一掟掟到西門口，濺起浪花拋浪頭。
撈魚仔：
花手巾，真引人，基邊撈魚好過癮，一兜一條好手運，千其吾好牟（蹲）到你頭暈。
黐塘尾（蜻蜓）
黐塘尾，塘尾飛，飛到菜田基，田基有條蛇，嚇親你兩仔爺。
煮飯仔：
煮飯仔仔先落米，風爐透火柴對齊，千其唔好咁拿西，我哋係細蚊仔。
打馬仔：
一人騎角馬，兩人騎豬乸，三步要埋頭，撞到面就打。
斗辣椒：
紅辣椒，綠辣椒，平時你镲嘴藐藐，今日你無膽同我撩。
放臭屁：
鬼叫你甘貪心，聞佐我個屁，索入佐個鼻，我要你賠返二兩四。
味水底：
味水底，摸泥沙，摸到泥沙當金龜，摸吾到系契弟。
鉆臺底：
陳德貴，住得矮，床下底有只鬼，嚇到佢鉆臺底。
扯大纜：
一二三，三二一，肥婆跳舞頂第一！
“雪”滑梯：
細蚊仔，雪滑梯，因住跌落嚟，咪學陳德貴，成日流鼻涕，跌親個籮柚唔好睇。
過天梯：
過天梯，蝦矮仔，人在云東過到西，唔怕米貴就最怕矮。
做大戲：
黑面李逵，紅面關公，三國水滸亂曬龍，打敗清兵系英雄。
彈象棋：
打棋子，靠眼屎，全憑眼界靠本事，唔好睇錯認夠屎。
畫烏龜：
乞兒仔，畫烏龜，一人一筆咪亂嚟，最后果個人衰仔！
廣東話急口令 (繞口令)
1. 黐線蜘蛛條蜘蛛絲黐住枝樹枝
2. 去街市買魚腸，見到姨丈，放低魚腸，問候姨丈，執翻魚腸，拜
拜姨丈
3. 掘柑掘桔掘金桔，掘雞掘骨掘根骨，掘完根骨掘金桔，掘完鬼骨輪雞骨
4. 一蚊一斤雞，一蚊一斤龜，究竟系雞貴定系龜貴？
5. 一蚊一隻龜，七蚊一隻雞，他話龜貴過雞，我話雞貴過龜，咁究竟龜貴過雞定係雞貴過龜。
6. 街頭3蚊1斤雞，街尾3蚊1斤龜，街頭買斤雞，街尾買斤龜，你話雞貴定龜貴。
7. 雞龜骨滾羹
8. 入實驗室扲緊急掣
9. 入食物實驗室扲緊十個緊急掣
10. 郵差叔叔送信純屬迅速送
11. 床腳撞牆角，牆角撞床角，你話床角撞牆角定牆角撞床腳？
12. 宜家學緊愈加嘅姨媽而家去宜家傢俬買而家啱用嘅宜家傢俬
13. 麥當娜約咗麥當雄去麥當勞道嗰間麥當勞食麥皮撈當歸
14. 肯德龜同肯德雞去肯德基食肯德基最出名嘅巴辣香雞
15. 雙層牛肉巨無霸，醬汁洋蔥夾青瓜，芝士生菜加芝麻，人人食到笑哈哈。
16. 財政司叫邰正宵做財政司，邰正宵叫財政司攞臺證先，財政司話俾邰正宵知，要攞臺證先要搞掂財政先
17. 郭藹明見過郭可盈，話郭可盈個袋型，郭可盈叫郭藹明過海改個袋型，改成郭可盈個袋個袋型。
18. 奄金琴軍今暗暗，混吉挖金挖甘桔，金骨挖桔挖銀骨，銀桔甩金不挖得，金骨混筆挖金粒，粒粒金粒挖銀桔，銀桔挖筆梗不吉，不吉挖金更不吉，筆墨挖骨得不償失，得失混吉挖金筆，畢生大吉。
19. 出東樓，走六步，碰見六叔和六舅，好六叔，好六舅，借給我六斗六升好綠豆；過了秋，收了豆，再還給六叔六舅六斗六升好綠豆。
20. 獅子山上獅山寺，山寺門前四獅子。山寺是禪寺，獅子是石獅。獅子看守獅山寺，禪寺保護石獅子。
21. 東門東家，南門董家。 東董兩家，同種冬瓜。有人說：東門東家的冬瓜大。誰知南門董家的冬瓜大過東門東家的大冬瓜。
22. 金瓜瓜，銀瓜瓜，瓜棚上面結滿瓜。瓜瓜落下來，打著小娃娃； 娃娃叫媽媽，媽媽抱娃娃；
娃娃怪瓜瓜，瓜瓜笑娃娃。
23. 圓圓遠遠叫圓月，叫來圓月來賞月。圓圓說：月月圓，圓月說：圓圓月。圓圓說：圓月的眼圓比月圓。 圓月說：圓圓的圓眼賽圓月。究竟是圓圓，圓月的眼兒圓，還是圓圓的月兒圓。
24. 小王和小黃，一齊畫鳳凰。小王畫黃鳳凰，小黃畫紅鳳凰。紅鳳凰黃鳳凰，畫成活鳳凰，望著小黃和小王。
25. 駱老伯，郭老伯，華老伯，柏老伯，駱、郭、華、柏四老伯，約著城北買菱角。買得菱角閣上剝，各剝各，各吃各，閣角莫落菱角殼，免得戳了駱、郭、華、柏四老伯我腳。
26. 潘宏彬、祝文君去搬雲吞，祝文君跟潘宏彬去橫濱，潘宏彬同祝文君一齊去紋身，紋枝人參枝參有崩。
廣東歇后語,你講過幾多呢??
鐵
木真打仔-----大汗耷細汗
阿茂整餅----無果樣整果樣
水瓜打狗----唔見緊桷
年三十晚謝灶──好做唔做
灶頭抹布──咸濕
灶君上天──有果句講果句
壽星公吊頸──嫌命長
陳年中草藥──發爛渣
灶君跌落鑊──精（蒸）神
阿崩叫狗──越叫越走
阿崩養貓──轉性
賣魚佬──有聲(腥)氣
賣鯇魚尾──搭嘴
細佬哥剃頭──就快就快
肥佬著笠衫──幾大就幾大
神臺貓屎──神憎鬼厭
南無佬跌落糞坑──無曬符
屎忽窟生瘡──無眼睇
咸蛋滾湯──心都實曬
瓦檐獅子──叻到滿
跪地喂豬母──睇錢份上
床底破柴──撞曬大板
老婆擔遮──陰功（公）
投石落屎坑──激起公憤（恭糞）
火燒豬頭──熟口熟面
天堂尿壺──全神貫注
老公潑扇──凄（妻）涼
撒路溪錢──吸引死人
黃皮樹了哥──唔熟唔食
亞聾送殯──唔聽你支死人笛
濕水棉花──無得彈
狗上瓦桁──有條路
十月芥菜──起曬心
肥婆坐屎塔──TUP TUP 撼
紙扎下巴──口輕輕
屎坑關刀──文（聞）又唔得，武（舞）又唔得
鼎湖上素──好齋
火燒旗桿──長嘆（炭）
飛機打交──高斗
海底石斑──好瘀（魚）
雞食放光蟲──心知肚明
山草藥──up得就up
番鬼佬月餅──悶極（moon cake）
非洲和尚──乞（黑）人憎（僧）
潮州二胡──自己顧自己(gegegugege)
斷柄鋤頭──無揸拿
貓兒洗面──系甘意
棺材鋪拜神──想人死
蒸生瓜──神神地
阿蘭嫁阿瑞---類斗類
無耳藤o急---靠托
神仙放屁——不同凡響
生蟲拐杖——靠唔住
番薯跌落灶——該煨
老公潑扇——凄（妻）涼
和尚擔遮——無法（發）無天
單眼仔睇老婆---一眼睇哂
水兵對水手----水斗水
周身刀---冇張利
隔年通勝----唔值錢
幡桿燈籠-----照遠唔照近
三元宮土地------錫（愛惜）身
陸文庭睇相----唔衰螺黎衰
白云山一擔泥-----眼闊肚窄
年晚煎堆-----人有我有
廚房階磚-----咸濕
秀才手巾----包書（輸）
十月蔗頭-----甜到尾
風吹皇帝褲浪－－孤鳩寒
倒掛臘鴨－油嘴滑舌
抬棺材甩褲－失禮死人
雷公劈豆腐－穩軟的來蝦
魚片粥－巖巖熟
火麒麟－周身癮
阿超著褲－谷住來
人之初 － 口多多(童言無忌，口不擇言。)
笑騎騎 － 放毒蛇(笑裡藏刀也。)
馬照跑 － 女照搞(九七年之後，香港保留資本主義制度，五十年不變。)
舞照跳 － 雞照叫
知少少 － 扮代表(貪功認叻。)
冇幾耐 － 扮大袋(大袋是香港的粗俗語，意謂大人物也；此句是沙塵囂張咁解。)
牙斬斬 － 死得慘(禍從口出。)
眼眨眨 －
扮花旦(雖無過犯，面目可憎之輩。)
聲大大 － 冇貨賣(言過其實。)
眼大大 － 易學壞(青春少艾，容易誤入歧途。)
周身郁 － 扮忙碌(郁者，動也；講多過做。)
眼濕濕 － 扮憂鬱(貓哭老鼠。)
嘴藐藐 － 打得少(口花花，撩是鬥非。)
靜雞雞 － 認低威(衰衰地＊低，認錯也。)
有早知 － 冇乞兒(世事難料。)
晨早知 － 中三T(三T，香港最多獎金的賽馬彩池。)
擔凳仔 － 霸頭位(驚死執輸。)
一張票 － 睇到笑(香港三級色情電影戲院買一張票可以整天任看。)
好好好 － 睇唔到(敷衍了事。)
繞埋手 － 晨早走(練精學懶。)
有得振 － 冇得0訓(大禍臨頭。振，顫抖也。)
搞搞振 － 冇幫襯(搞事破壞份子。)
側側膊 － 唔多覺(得過且過，求求其其。)
搏大霧 － 唔使做(使讀作洗；混水摸魚。)
包二奶 － 實聽拉(香港人回大陸偷情十分危險。)
0焦多件 － 囉黎賤(自己囉ue547衰。)
有姿勢 － 冇實際(虛有其表。)
有交易 － 靠實力(不靠偏門左道。)
七八九 － 飲到嘔(「七八九」是卡拉OK夜店的猜枚遊戲。)
硬骨頭 － 食地球(「地球」指中國六、七十年代生產的地球牌香煙。)
手頭緊 － 搵真銀(勤力搵錢。)
烏啄啄 － 任人將(做人糊塗，容易被人騙。)
淡淡定 － 有錢剩(凡事處變不驚；剩，音「靜」。)
失失慌 － 害街坊(小不忍則亂大謀。)
拿拿林 － 上瓊林(瓊林是香港一間著名夜總會。)
口旱旱 － 食咳糖(口水都無滴。)
有得賭 － 精神好(爛賭之輩。)
三缺一 － 慘過乞(麻雀術語。)
勝勝振 － 軍車?忙中有錯。)
時運高 － 搏番鋪(掌握時機。)
煙KJ － 0禁住搦(話事啤術語，贏面甚高。)
二仔底 － 冇得睇(「沙蟹」術語，輸多贏少。)
隨口up － 當祕笈(語不驚人誓不休。)
招乜積 － 中圍骰(高傲而好運。)
贏粒糖 － 輸間廠(十賭九輸。)
籃熅B － 輸架車(前句另一個版本。)
面懵懵 － 當老馮(老馮，意謂奉旨也。)
細細兜 － 容易媾(初出茅廬少女，容易被騙，追求異性也。)
女人心 － 海底針(女人善變。)
無端端 － 簫吹鬈(莫名其妙。)
十八樓 － 自己友(街坊街裡，守望相助。)
有竇口 － 早0的抖(安得廣廈千萬間。)
讀書少 － 俾人藐(學識低者，會被人看不起。)
面撞面 － 好面善(似曾相識。)
頭0岳0岳－ 四圍度(無聊發悶。)
爛撻撻 － 唔負責(無恥之徒。)
冇曬計 － 發Long禮(意思不按常理做事，全句是趕狗入窮巷也。)
咖喱啡 － 扮阿姐(泥?充石斑。)
頻頻撲 － 冇聯絡(貴人善忘。)
姿姿整 －
有環境(露出馬腳。)
咁人齊 － 等發圍(同心協力。)
趁佢病 － 囉佢命(趕盡殺絕。)
出黎威 － 識搶咪(要懂得爭取機會。)
唔想衰 － 埋大堆(圍結就是力量。)
有異性 － 無人性(見色忘義。)
有殺錯 － 冇放過(寧枉莫縱也。)
有胸毛 － 出黎蒲(惡人形象。)
手毛長 － 性慾強(順口溜而已，無科學根據。)
聽唔明 － 扮純情(裝模作樣。)
懶癡纏 － 博可憐(做戲咁做。)
大笪地 － 食自己(大笪地，香港平民夜總會，擺檔者都是自食其力之人。)
做臭四 － 冇訂企(臭四，對不住朋友之徒，必無好下場。)
眼光光 － 等天光(失眠，滿懷心事。)
印印腳 － 等人約(無所事事。)
斷乜估 － 冇痛苦(難得糊塗。)
x雀籠 － 遲早窮(敗家的形象。)
人工高 － 冇祕撈(祕撈，祕密地去做兼職也。)
唔夠班 － 執二攤(未夠斤兩。)
跟老頂 － 有得醒(老頂，大哥大之輩；醒，有好處是也。)
著草鞋 － 有排捱(著草，是黑語，即走路、遲難之意。)
走得快 － 好世界(童年時順口溜。)
走得摩 － 冇鼻哥(走得慢者，沒好下場。)
你老竇 － 大水牛(童年時罵人的順口溜。)
xxx － 大風爐(也是童年時的罵人順口溜。)
大肚Dum － 冇良心(童年時順口溜。)
大恰細 － 俾屎餵(欺，讀「蝦」音。)
有Background － 冇困難(Background，人事背景也。)
有Quali － 大餐史(Quality指資歷聲望；餐史，英文字CPance，機會也。)
NumberOne－ 有紋身(NumberOne，大哥大之輩。)
「渣」Fit人 － 有疤痕(「渣」Fit，黑語，高級領導人。)
密響Call － 冇甩拖(將勤補拙。)
手指指 － 扮FAN屎(扮熟絡狀，FAN屎，超級歌迷影迷。)
起大屋 － 靠表叔(表叔，中國大陸幹部之稱，此句意思是想在大陸發達，買田買地，非依靠高幹不可為也。)
學猜枚 － 溝表妹(猜牧，是燈紅酒綠場所的玩意，表妹指大陸女孩。)
十十0下 － 拉頭馬(十十0下，「十」即「霎」，香港人極為抵死之用語。意指一個人「霎」0下「霎」0下，表示一個人渾渾噩噩，此句意，傻人有傻福，胡裡胡塗，無端端發財。)
中間界 － 騎喱怪(中間界指中間分界的髮型，騎喱怪，正字是「騎籬蟈」，意為形象標奇立異古怪出位之人。騎籬，是伏在籬笆上的意思；蟈，是一種墨綠色的蛙類動物。)
唔夠皮 － 無面俾(皮，即「皮費」，經營開支洗費。唔夠錢用時，甚麼人也不賣帳。)
二三線 － 好難變(二三線指不是主角的次級貨色。此句語是不好的東西很難會變好的。)
係咁易 － 戴撈屎(表示囂張，撈屎，勞力士金錶也。)
冇啦啦 － 整笪疤(
笪的正寫應該是「＊」；「疤」讀「啦」音。)
白白淨 － 冇性病(稱讚女孩子的美言。)
人嚇人 － 好易暈(廣東俗語雲：人嚇人無藥醫。意思謂俾人嚇慘過俾鬼嚇。)
穩穩陣 － 做半份(安全第一，辦事不要博得盡。)
手頭緊 － 賣白粉(狗急跳牆，不擇手段，不理後果。)
吹吹水 － 唔抹嘴(吹水，口沫橫飛，愛吹牛皮。)
趁你病 － 撻你訂(撻定，是地產買賣術語，放棄交易之意，全句解乘人之危落井下石。)
唔用腦 － 等運到(批評那些靠好彩不靠辛勤努力之輩。)
癲癲地 － 唔識死(不知天高地厚。)
賺快錢 － 炒孖展(孖展，高風險的投資方法，如同賭博，可以發大達，又可傾家蕩產。)
買藍籌 － 唔駛愁(藍籌，高質素股票。)
過大海 － 博好彩(大海，指澳門，香港人假期喜歡到澳門賭場搏殺。)
口水多 － 無尿屙(指喜歡發表偉論的人，香港俗語有雲：口水多過茶，口水多到連尿也沒有，厲害可想而知。)
四圍酒 － 鬥疊友(疊友，墨幫背語。指人強馬壯。)
褲頭鬆 － 搏街鐘(街鐘，歡場術語，客人帶小姐外出為街鐘，小姐要有街鐘，多賺錢，那麼就不能惜身如玉。)
跑鐘仔 － 貼哥仔(鐘仔，亦是歡場術語，指應召女郎有客召喚，此句是指許多歡場女子，辛辛苦苦為了哥仔男友。)
當我流 － 拋浪頭(流，即假?，非真材實料，拋浪頭即靠吹牛皮，靠嚇。)
出黎混 － 無責任(指吊兒郎噹，不負責任之人。)
賣大包 － 任人抄(不計較得失。)
日本船 － 遲早完(「丸」日文解「號」，故此日本輪船多寫上「××丸」，「完」是「丸」的諧音。)
